Wallazina Yu'amenuna

WALLAZINA YU’AMENUNA BIMA’A UNZILA ILAYKA  WAMA UNZILA MIN QABLIK- WA BIL-AAKHIRATE HOOM YUQENOON-

(Aur Woh Log Ke Imaan Laayen Oospar Jo Ai MEHBOOB Tumhari Taraf Utra, Aur Jo Tum Se Pehle Utra , Aur Aakhirat Par Yaqeen Rakhen)-

Subhan Allah Mujhe Fakhr Hai Allah Taala Ke Is Kalam Par Aur Rashk Hai Is Quran Paak Ki Tartib Karne Wale Par- Allah Taala Ne Kya Salahiyat Ata Farmayee Hai Quran Fahmi Ki , Kya Faham Ata Farmaya Hai Allah Taala Ne Ilm Deen Ka-

Pehle Allah Taala Ne Jo Sifaten  Imaan Walon Ke Liye Bayan Farmaya Woh Allah Ki Zaat Par Sifat Par(Ilm Ghaib ) Par Imaan Laane Ka - Ab Yahan Farman Ilahi Huwa Ke Sirf Allah Ki Zaat Par Aur Sifat Par Imaan Lana Kaafi Nahi Hai Muttaqi Hone Ke Liye Balki Jub Tuk Anbiya Kraam, Aasmani Kitab Aur Aakhirat Par Bhi Imaan Na Ho Aap Log Muttaqi Nahi Ho Sakte-- In Cheezon Ko Is Ayat Mein Bayan Kiya Gaya(Tafseer Fateh Al-Mannan)-

Is Se Pehli Ayat Mein  Oon Parhezgaaron Ka Zikr Huwa Jo Be-Padhe Aur Mushrekin Arab Mein Se Imaan Lakar Parhezgar Bane, Aur Islaam Mein Daakhil Huwe- Aur Is Ayat Mein Oon Logon Ka Zikr Ho Raha Hai Jo Yahudiyat Aur Isaiyat Se Touba Karke Musalman Hon- Jis Se Maloom Huwa Ke Ye Kitab Donon Qism Ke Logon Ke Liye Mukammal Hidayat hai-

Yumenuna BIMA UNZILA ILAYK:

Mere Bhaio Yahan Par Ab Aap Logon Ko Ek Khaas Nuqta Samjha Doon Is Ayat Ke Mutalliq- Allah Taala Ka Farman Hai Ke Imaan Lao Aap Par Jo Utra ( Naazil Huwa ) Aur Aap Par  Allah Ka Ilm Naazil Hone Ke Teen Tariqe Faqir Ki Samajh Mein Aaye Hain-

1)Wahi

2)ILHAAM

3)Khwab ( Anbiyaon Ke Khwab Sachhe Hote Hain-

Isliye Allah Paak Ka Farman  Hai“BIMA  UNZILA ( Jo Aap Par Naazil Huwa), Na Ke Allah Taala Ne Farmaya “BIMA QOOLT” ( Jo Hum Ne Farmaya)-Unzila Yaani Naazil Mein Ooper  Ke Teenon  Zariye Aa Gaye QOOLt Mein Nahi –(Ummid Hai Ye Nuqta aap Logon Ki Samajh Mein Aa Gaya Hai-

To Ab Imaan Ye Huwa Ke Aap Ke Oon Tamaam Aqwal Par Imaan Lana Zaroori Hai Jo Aap Ne Khwab Mein Dekhe, Aap Par Ilhaam Huwa, Aap Par Wahi Ke Zariye Naazil Huwa-(Salallaho Alehe Wasallam )-Ek Misal DAJJAL Ka ZIKR-73 Firqon Ka Zikr Jo Quran Paak Mein Nahi Hai-Ya To Aap Par Ilham Huwa Ya Khwab- Beshak Tamaam Ilm Allah Taala Ki Taraf Se Hai- Hamen Aap Ke Har Farman Ko Manna Hai- Ye Ilm Ghaib Tamaam Musalman Ko Haasil Nahi Allah Taala Apne Pasandeeda Bandon Ko Ata Farmata hai-

ILAYKA Mein Bahut Gunjaish  Hai- Chahe Aap Ne Aankh Se Mulaheza Farma Liya Arsh Par Ya Farsh Par, Kanon Se Soona Jo Jibrail Aleh Salam Ne Aap Se Arz Kiya-Iski Misal Namaaz, Roza, Zakaat Ka Mukammal Tariqa Jo Quran Paak Mein Zikr Nahi Huwa---Ap Log Khood Ghour Karen Itni Tafseel Mein Shariat Aur Tariqat Qaim Karna Ek Aam Aalim Ka Kaam Hargiz Nahi Hho Sakta-

Hamare Kai Aise Musalman (Naam Ke ) Hain Jo Bila Khouf Ye Keh Dete Hain Ke Ye Aap Ko Khwab Mein Huwa- Ya Aap Ne Khwab Mein Dekha- Ye Ayat Aise Logon Ke Liye Dars Hai----Isi Ayat Ko Agli Post Mein Insha Allah continue- Yahan Is Tafseer Ko Sahi Tour Se Samajhne Ke Liye Post Ko Short Likha Gaya -