Sureh Al-Baqrah- Shan-e-Nuzool

SHAAN-E-NUZOOL:

Is Sureh Ka Ek Ijmaali (Complete-Total) Shaan-e-nuzool Hai Aur Ek Tafsili(Detail). Detail Shaan-e-nuzool  Har Ayaton Ke Saath Bayan Hota Jayega- Ijmaali Shaan-e-nuzool Ye Hai Ke Jub Aap Salallaho Alehe Wasallam Makkah Al-Mukarramah Mein Tashrif Farma Thay To Wahan Sirf Butt Paraston Aur Mushrekin Ka Muqabla Tha Lekin Jub Madinah Al-Munawwarah Tashrif Laye To Wahan YAHUDIYON Aur ISAIYON Kee Abadi Payee-

Madinah Paak Mein Yahudiyon Ka Bahut Zor Tha Aur Abdullah Bin Aba( ابى-Arabic Mein Aba Padha Jayega) Yahan Ka Sardaar Mana jata tha-Jub Islaam Ka Aaftab Madinah Par Chamka , Aur Sab Se Pehle Abu Ayyub Ansaari Razi Allah Taala Anho Ke Ghar Ko Chamkaya aur Quran Ki Aawazen Oonke Kaanon Mein Pahunchi  To Chund Deendar Logon Ne Islaam Qubool Kiya(iski Tafsil Mein Ne Shah-e-Madinah Page FB Par Likhi Hai Ke Ansaar Ki Haqiqat) Baaqi Hasad Aur Tassub Ki Wajah Se Muqable Par Amada Ho Gaye-

Ye Hasedin Aur Mutassub Log Pehle Hi Se ILM Mein Mashhoor Thay Aur Wahan Ke Aas Paas Ke Log Oonki Izzat Karte Thay Isliye Aksar ARAB Ke Jaahil Bhi OOnke Saath Ho Gaye-Phir YAHUD Aur NASARA Jo Aapas Mein Ladte Rehte Thay, Islaam Ke Muqable Ke Liye Ek Ho Gaye(Ye Silsila Aaj Bhi Jaari Hai)-

Abdullah Bin Aba Aur Ooske Saathi Jinko Izzat Aur Maal Ki Mohabbat Ne Andha Kar Rakha Tha Bazahir To Musalmaan Ho Gaye Lekin Dill Se Kaafiron Ke Saath RaheAur Unhon Ne Dar Parda(Khufya Tariqe Se)Islaam Dushmanon Ki Imdaad Karna Shuru Kardi-

Goya Madinah Paak Mein Aakar Musalmanon Ko Chaar(4) Qoumon Se Ladna Pada:

1. ULMAA YAHUD
2. ULMAA NASARA(ISAYEE)
3. JAAHIL MUSHREKIN
4. MUNAFEQEEN

Ye Log Khufya Izaa(Taklifen)Pahunchane Ke Alawa Musalmanon Ke Dilon Mein Shuk o Shubah Daalte Thay -Hikmat Ilaahi Ka Taqaza Ye Huwa Ke Ek Aisi Sureh Ootari Jaye Jis Se In Chaaron Firqon Ki Sarkubi Ho Jaye-Aur Oonke Shubhat(Doubts) Door Kiye Jayen – Isliye Madinah Paak Pahunchte Hi Ye Sureh Naazil Hona Shuru Huwi .

Baaqi Har Ayat Ka Shaan e Nuzool Insha Allah Aage Aage Har Ayat Ke Saath Bayan Hota Rahega Jise Tafsili Shaan-e-nuzool Kehte Hain Ooper Jo Bayan Huwa Wo Ijmali(Summarized Ya Overall Keh Len)Bayan Huwa-