LA RAIBA FEEH HUDAN LIL-MUTTAQEEN

La ke maani hai inkaar
–La Raiba  yaani Jismen koi shak nahi( zalikal Kitab La Raiba) Ye Kitab Jismen Koi Shak Nahi-Quran Karim ka Kalaam Ilahi Hone Mein Shak Nahi hai-

Quran Paak Oos Mulk Mein Aaya Jahan Ke Bashinde ARABI Hain ARABI Ke Maani Hain Bolne Wala Yahan Ke Logon Ko Isi Wajah Se Naaz Tha Aur Apne Se Doosre Logon Ko Ye AJAMI Kehte hain- Jiske Maani Hai GUNGAA-Arabi Mein Be-Zuban Janwaron Ko Ajamaa Kehte Hain-

Pehli Baat  Quran Ne Sab Ko Apne Muqable Ki Dawat Di Aur Koi Is Muqaddas Kitab Ka Muqabla Na Kar Saka Isliye Is Kitab Ke Kalaam Ilahi Hone Mein Koi Shak Nahi-

Doosri Baat Jin Logon Mein Ye Kitab Naazil Huwi Woh Deen Wa Dunya Ki Tehzibon Se Na Aashna Thay-Chori, Daketi, Zina, Khoon Rezi Jung,  Oonki Paidaishi Aadaten Theen-Quran Paak Aaya Aur Sirf DUS Saal Mein Oonki Kaya Palat Dee-Choron Ko Paasbaan, Dakuon Ko Aadil, Be Tehzibon Ko Dunya Ki Tehzeeb, Sikhaya-Be-Ilmon Ko Deen Wa Dunya Ka Ilm Sikhaya-Kisi Ko Siddiq, Kisi Ko FAAROOQ,  Kisi Ko Haidar, Kisi Ko ZUL-NOORAIN Banaya-

LA-RAIBA isi Taraf Ishara Hai-Aur Ye Kalaam Is Taraf Bhi Ishara Hai Ke Allah Paak JHOOT SE PAAK HAI-Is Se Deobandi Aqidon Ki Tardid Ho Gayee Ke allah Taala  Ka Jhoot Bolna Mumkin Hai-

LEKIN-LEKIN LEKIN

Quran Mein Kuffar Ko Shak, Musalmanon Ke Bahut Se Firqon Ko Iske Maani Mein Shak,Kuch Firqon Ne Mutashabehat Ke Zaahiri Maani Liye Isliye Aapas Mein Ikhtelaaf-

Ab Ismen Shak Ki Do Soorten Hain- Ek Ye Ki Khud Kalaam Mashkook Ho-Jo Na Mumkin Hai- Doosra  Kalaam To Sachcha Hai Magar Log Apni Ghalti Aur ZIDD Ki Wajah Se Ismen Shak Karne Lage-Lekin KUFFAR Ne Apne Taassub Ki Wajah Se Is Mein Shak Kiya-