GHAIRIL MAGHZUBE ALAIHIM WALAZ-ZALLEEN

NA OONKA JIN PAR GAZAB HUWA  AUR NA BAHEKE HUWON KA-

Is Se Pehli Ayat  Mein SIRAT-e-MUSTAQEEM Kee Alamat Batayee Gayee  Aur  Ismen Tedhe Raaste Ka Pata Diya Gaya – Taki Oonmen Tameez Ho Jaye – Doosre Ye Ke Pehle Khuda Ke Inaam Ka Zikr Tha Jisko Soonkar Bande Ke Dill Mein Ummid Paida Huwi Thee, Ab Gazab Ka ZIkr Huwa, Jis Se Khouf Paida Huwa , aur Imaan Khouf –o-Ummid Ke Darmyan Hai- Ya Youn Kaho Ke Imaan Ke Do(2) Baazu Hain Ek Khouf, Aur Ek Ummid-Jis Tarah Parinda Do Bazuon Ke Baghair Nahi Ood Sakta , Isi Tarah MOMIN Baghair Ummid Aur Khouf Ke Raaste Ko Tay Nahi Kar Sakta In Donon Mein Barabri Chahiye

Teesre Ye Ke Iske Pehli Ayat Mein Oon Logon Ka Zikr Tha Jin Par Allah Ne Inaam Kiya , Is Ayat Mein Unhi Logon Kee Pehchaan Bataye Gayee – Yaani Inaam Wale Woh Log Hain jo Khuda Ke Gazab Yaani Bud-aamali aur Zalalat , Yaani Gumrahi aur Budaitqadi se Bache Huwe Hain- To Mutlab Ye Huwa Ke Inaam Wale Kee Pehchan Ye Hai Ke Oos Ke Aqaid Bhi Durust Hon aur Aamal Bhi , Yaani Kaafir Bhi Na Hon Aur Faasiq Bhi-

GHAIR Ke Teen(3)Maani Hain –1)NA-2)SIWA-3)AUR(Other)-Gazab Ke Lafzi  Maani Hain JOSH Aur BADALNA-Ab Istelah Mein Gazab Oos Halat Ka Naam Hai Jo Dill Mein Badla Lene Ke Khayal Mein Josh Paida Hota Hai, aur Jismen Ke Ooska Haal Palat Jata Hai- Rubb Taala Kyunki Dill Aur Dill Kee Halat Ke Palatne Se PAAK Hai isliye Yahan Iske Maani  hain IRADA AZAB-Zal  Ke Maani Hain Hairat-Jo Shakhsh Hairan Ho Oose Kehte Hain Zal(Lafz ZALLEEN SE)- Aam Araf Mein Zal Ke Maani hain GUMRAH yaani Bud-Aqida- Quran Karim Mein Jahan Kahin  ANBIYA KRAAM Ke Mutalliq  Zalaal Farmaya Hai Wahan Lugwi Maani HAIRAT Murad Hai- Jo Shakhsh Kisi NABI Ko Gumrah Jaane WOH KAAFIR HAi-

Ismen Ikhtelaf Hai  Ke Yahan MAGHZUBE ALEHIM Se Kaun Log Murad Hain Aur ZALLEEN Se Kaun Log Murad Hain-

TIrmizi Sharif Kee Riwayat Mein Hai Ke MAGHZUBE ALEHIM Se MURAD  YAHUD Aur ZALLEEN Se MURAD NASARA Hain-

Tafseer KABIR Ne Iske Alawa Chand Aur Maani  Bayan Farmaye hain – Ek Ye Ke MAGHZUBE ALEHIM Se Murad Bud-amal, Faasiq O Faajir Hain aur ZALLEEN Se Murad KUFFAR hain-Doosre Ye Ke MAGHZUBE ALEHIM Se Murad Khule Kaafir Aur ZALLEEN Se Murad MUNAFIQ Yaani Chhupe Huwe Kaafir-Jo Log Khuda Ke Munkir Hain Woh Maghzube Alehim Hain aur Jo Log Khuda Ko Maankar Imaan Kee Doosri Cheezon Ke Munkir Hain  WOh ZALLEEN Hain-

AYAT KE FAIDE:

1)Farishte Aur Anbiya Ek Lamhe Ke Liye Bhi Gumrah Nahi Ho Sakte, Aur Na Kabhi Gunah Karen Jis Se Khuda Ke Gazab Ke Mustahiq Ho Jayen-Isliye Ke Anbiya Ki Pairvi Karne Ka Hukm Hai, Aur Gumrahon Aur Budaqidon Se Bachne Ka-Lehaza Is Se ASMAT Anbiya Ka Suboot Mila-

2)Gumrahon , Budmazhabon,Aur Budaqidon Se Door Rehna chahiye aur Allah Ke Nayk Bandon Kee Sohbat Mein Baithna Zaroori Hai-Jinke Paas IMAAN Kee Doulat Ho Woh Imaan Ke Choron Se Door Rahen-

3)Is Sureh Ke Shuru Mein Rubb Kee  HUMD-o-SANA Ka ZIkr Huwa aur Akhir Mein Ooske Gazab se Panah-Jis Se Maaloom Huwa Ke Rubb Taala Kee HUMD-o-SANA Nayk Bakhtyon Kee ASL Hai Aur Bud Aitqadi Aur Budamali Bud-Naseebon Kee Judd.

4) Allah Ke Maqbool Bande Jahan Bhi Hon aur Jub Bhi Guzre Hon , aur Jaise Bhi Hon SUB EK HEE JAMAAT hain Kyunki Sab Kee Asl  Ek Hi Hai- Lehaza Adam Aleh Salam Se Lekar Qayamat Tuk Ke Saare Maqbool Insha Allah Ek Hee Zamre Mein Hain-Lekin MARDOODIN –e-Bargah  Qism Qism Ke Log Hain-Baaz Woh Jinki Soorten Bigdi huwi hain-Baaz Woh Jinki SEERTEN Bigdi Huwi Hain-Agarche Dunya Mein Ye Muttafiq Hokar Rahen Lekin Aakhirat Mein Inka Ittefaq kabhi  Na Hoga-

5)DUNYAWI TAKLEEFEN AUR MUSEEBATEN RUBB KA GAZAB NAHI BALKI YE TAKLIF OOS BHATTI KEE AAG KI TARAH HAI JO SONE KO PIGHLAKAR OOSKE MAYL KO DOOR KARKE OOSE KHARA BANA DETI HAI-JO DOULAT HAQQ TAALA SE GAAFIL KARDE WOH RUBB KA GAZAB HAI AUR JO TAKLIF OOSKI YAAD DILAYE WOH OOSKI NEAMAT HAI-