AAMEEN

QUBOOL FARMALE

Ye Quraan Paak Ki Ayat Nahi Hi Isliye  Is Ko Quraan Paak  Mein nahi Likha Gaya- Sunnat Ye Hai Ke Sureh Al-Fateha Ke Baad  Tilawat Karne Wala Aur Soon-ne Wala  AAMEEN Keh Liya Karen isi Tarah har Dua Ke Baad Aameen Kehna Sunnat Hai-Hazrat Jibrail Aleh Salam Ne  Huzur Salallaho Alehe Wasallam se Arz Kiya Ke  Fateha Ke Liye Aameen Aisi Hai Jaise Kisi Kitaab Ke Liye MOHAR-  Sayyeduna Ali Razi Allah Taala Anho Ne Farmaya Ke Aameen Rubb-Al-Alamain Ki MOHAR Hai-Jis Se Apne Bande Ki DUA Par MOHAR Lagata Hai- Hazrat WAHAB Razi Allah Taala Anho Farmate HAin Ke Aameen Mein Chaar Hurf Hain , Aur Aameen Kehne Wale Ke LiyeChaar Farishte Dua-e-Maghfirat Karte Hain-(Tafsir Rooh-Al-Bayan)-

Imaam Raazi Tafsir Sureh Al-Fateha Mein Farmate Hain Ke Shaitan Oos Dua Se Mayoos Ho Jata Hai Jis Ke Aakhir Mein Aameen Keh Di Jaye- Kyunki Shaitan Samajhta Hai Oospar MOHAR Lug Chuki Hai Mein Tod Nahi Sakta-Hadis Paak Mein Hai  Ke Jub Imaam Walazzalleen Kahe To Toom Aameen Kaho Kyunki Farishte Bhi Oos Waqt Aameen Kehte Hain – Jiski Aameen Farishton Ki Aameen Ke Mowafiq Ho Gayee Ooske Tamaam Gunah Bakhsh Diye Jayenge-

Isliye Haqq Taala Ne Musa Wa Haroon Alehum  Salaam Se Farmaya “Tum Donon Ki Dua Qubool Kar Lee Gayee” Halanki Faqat Musa Aleh Salam Ne Dua Kee Thi Aur Haroon Aleh Salam Ne Ameen  Farmayi Thi-Maloom Huwa Ke Rubb Taala Ne Aameen Ko Dua Farmaya-

Huzur Salallaho Alehe Wasallam Ne Iske Quraan Hone Ki Khabar Na Dee- Kisi Sahabi Ya Kisi Tabaee Ne Ise Quraan Na Kaha, Aur Ise Quraan Mein Likha Bhi Na Gaya-Is Se Saabit Huwa Ke Aameen Quran Nahi Balki Dua Hai-KYUN Aur KAISE?????- Aise Ke Ye Allah Taala Ne Nahi Farmaya Balki Bande Apne Rubb Ke Huzur Arz Kar Rahe Hain Ke AAMEEN( Yaani Qubool Farma Le)-Jabki Quran Mukammal Allah Taala Ka Farman Hai-

Quran Karim Farmata Hai “UDOO RABBAKUM TAZARRUAN WA KHUFYAT” Yaani Apne Rubb Se  Aajzi Ke Saath Aur Chupke Se Dua Karo Jis Se Maaloom Huwa Ke Dua Dill Mein Karni Chahiye Aur aameen Bhi Chunki Dua Hai Dill Mein Ahista Se Kehna Chahiye-

Quran Karim Farmata Hai “AI MEHBOOB JUB MERE BANDE AAP SE MERE BAARE MEIN DARYAFT KAREN TO FARMA DO MEIN BAHUT QAREEB HOON QUBOOL KARTA HOON DUA KARNE WALE KEE DUA KO”-

Is Ayat Se Bhi Yahi Zaahir Huwa Ke Dua KArne Wala CHEEKHNE CHILLANE Ki Zehmat Gawarah Na Kare- Pookar Se Oos Se Koi Cheez Maangi Jati Hai jo Door Ho-Allah To Shah-e-Rug Se Bhi Zyada Qareeb Hai Oos Se Dua Ahista Karo-

Hadis Ke Maani Bhi Yahi Hai Ke Farishton Ki AAMEEN Ke Muwafiq Hona Kaifyat Se Hai- Na Ki Aawaaz Se Aur Waqt Se Kyunki Na Hi Hum Farishton Ke Ameen Ko Soon-te Hain Na Hi Oonke Aameen Ka Waqt Jaante Hain-

GHAIR MUQALLEDIN KE AITRAAZ KA JAWAB:-

1)Awwal Ye Ke Quran Paak Ne Dua Ahista Maangne Ka Hukm Diya –

2)Huzur Salallaho Alehe Wasallam Ki Aawaz Par Apni Awaaz Oonchi Karna Haraam Hai Lehaza YE Kehna Ke Masjid Ameen Ki Awaz Se Goonj Jaati Thi Is Ayat Ke Khilaf Hai” LA TARFAOO ASWATAKUM FOUQ SAUT AL-NABI”-huzur ki awaz par apni awaz oonchi na karo-(oos waqt masjid Nabavi Kachchi Thi Isliye Awaz Ke Goonjne Ka Sawal Hi Paida Nahi Hota Awaaz Wahin Goonjti Hai Jahan Pukhta Imarat Ho-

3)AameenKe Alawa Jis Qadr Namaaz Mein Duaen Hain (Dua Qunoot- Dua Masoora Waghaira) Tamaam Ahista Hi Padhi Jaati Hai-

4)JAHRI NAMAAZ MEIN AAMEEN KI AWAZ GOONJE AUR SIRRI NAMAAZ MEIN AMEEN DILL MEIN HI PADHE YE IKHTELAF HAI-

5)NASARA APNE KANISA MEIN IBADAT KE DOURAN ZOR SE AAMEEN KEHTE HAIN LEHAZA AAMEEN KO OONCHI AAWAZ SE PADHNA NASARA KE MUSHABEHAT HAI-

5)JUB ALLAH TAALA SHAH-E-RUG SE QAREEB HAI TO CHILLANE KI ZAROORAT KYA HAI ISLIYE KE TUM YE QAID LAGA RAHE HO? PHIR AULIYA ALLAH SE MADAD  AAPKE LIYE JAIZ KYUN NAHI? OOS WAQT GHAIR MUQALLEDIN KO ALLAH SHAH-E-RUG SE QAREEB YAAD AA JATA HAI?