Ehdinas-Sirat Al Mustaqeem

HUM KO SEEDHA RAASTA CHALA:

Is Ayat Ke Pehle Ayat Mein Zikr Huwa Tha Ke HumTujh Se Madad Maangte Hain- Ye Na Maaloom Huwa Tha Ke Kis Kaam Mein Ya Kis Amal Mein- Ab Is Ayat Mein Tafseel Farmayee Gayee Hai Ke Tu HumKo Seedhe Raaste Chala- Is Se Natija Ye Nikla Ke  Dunyawi aur Deeni Tamaam Kaamon Mein Allah He Se Madad Maangi Jaye  Magar ISTEQAMAT (Seedhe Raaste-Mazboot- Mustaqeem) Mein Khaas Tour par-

Doosra Nuqta Is Ayat Mein Ye Hai Ke Is Ayat Se Pehle Zikr Huwa Ibadat Ka Aur Ab Zikr Hai Dua Ka, Jis Mein Ishara Ho Raha Hai Ke Ibadat Ke Baad Dua Maangni Chahiye-Is Liye Sunnat Hai Ke Namaaz Ke Baad Dua Maangni Chahiye-Teesra Nuqta Ab Tuk ArzKiya Tha Ke Khudaya Hum Teri Ibadat Karte Hain aur Tujh Se Madad Maangte Hain, Ab Arz Kiya Ke Tu Hamen Seedhe Raaste Par Qaim Rakh-Yaani Ibadat Par Qaim Rakh aisa Na Ho Ke Kuch Roz Hum Ibadat Karke Chhor Den Balki Hamesha Teri Ibadat Mein Mashghool Rahen-Yahi Sirat-e-Mustaqeem Hai-

Chunanche Sureh Aal-Imraan Ayat Raqam (51) Mein Hazrat ISA Aleh Salam Ne Sirat-e-Mustaqeem Ka Jawab Yoon Farmaya hai:

“  BESHAK MERA TUMHARA SAB KA RUBB ALLAH HAI TO OOSI KI IBADAT KARO YE HAI SEEDHA RAASTA”

“(INALLAHA RABBI WA RABBUKUM FA’AABUDUHU- HAZA SIRATUNM – MUSTAQEEM”

Choutha Nuqta Ye Ke Allah Hum Ko Is Tarah Se Ibadat Kara Ke Teri Bargah Mein Qubool Ho Jis Tarah Tere Maqbool Bandon Ne Ibadat Kee Hai-Aisa Na Ho Ke Dunyawi Rahat Ke Mouqon Par Teri Ibadat Se Ghafil  Ho Jayen, aur Kabhi Ibadat Mein Mushaqqaten Hon To Ibadat Se Munh Na Moden-

Panchwa Nuqta Ye Hai Ke Ibadat Ke Baad Hidayat Ki Dua Isliye Hai Ke Bina Hidayat Ke Ibadat Manzil-e-Maqsood Tuk Nahi Pahunchati- Bade Bade AABID Zandeeq Ho Gaye-IBLEES, Balaam Bin Baura’a, Barsee’aya, Pehle Ye Log Awwal Darje Ke Aabid Thay-

Tafseer TAYSEER Mein Hai Ke IYYAKANABUD Mein Touhid Ka Izhaar Hai-IYYAKANASTAEEN Mein Touhid Kee Imdaad Talb Karna Hai aur” Ehdinas-Sirat Al-Mustaqeem” Mein Deen Par Saabit Rehne Ke Isteda’a-Isi Liye Isko Tamaam Anbiya Kraam Alehum Assalam, aur Auliya-e-Kraam Alehum Al-Rizwan  Ne Talb Farmaya Hai-

1)Tawaffini Musliman ( Ai Allah Mujhe Musalman Fout Karna)-

2)Sahaba Kraam Ne Arz Kiya’Tawaffana Mua-al-Abraar-Ai Allah Hamen Abraar Ke Saath Fout Karna-

Ye Isteda’a Hai Ke Zaahir Haal Par Aitmad(Bharosa) Na Kiya Jaye Anjam Kabhi Bhi Tabdeel Ho Jata Hai Jaisa Ke Iblees Wa Ghaiehum Ka Huwa-

Allama Raghib Asfahani HIDAYA ke maani bayan karte huwe farmate hain:

Allah Taala Ne Insaan ko Chaar Qism Kee Hidayat Ata Farmayee hai:

1)Aqal-o-Shaoor Ki Hidayat(Jis Ne Har Cheez Ko Ooski Makhsoos Banawat Ata Farmayee Phir Hidayat Dee-Sureh Ta-Ha-Ayat -50)

2)Anbiya alehum Asslam Kee Zabanon se Aur Aasmani Kitabon Se Hidayat Ata Farmayee(Aur Hum Ne Unko Peshwa Banaya , Woh Hamare Hukm Se Hidayat Karte Thay-Sureh Al-Anbiya- Ayat -73)-Ye Ayat Saabit Karti Hai Ke Allah Taala Ne Hidayat ka Zariya Paida Farmaya hai-

3)Toufiq-e-Ilaahi Jo Hidayat Yafta Logon Ke Saath Makhsoos Hain(Aur Jin Logon Ko Hidayat KeeToufiq Mill Gayee, Allah Taala Ne Oonki Hidayat Ko Zyada Kar Diya Aur unhen oonka TAQWA Ata Farmaya(Sureh Muhammad(Salallaho Alehe Wasallam – Ayat-17)-

4)AAKHIRAT MEIN JANNAT KEE TARAF PAHUNCHANA(Jannati Kahenge Allah Hee Ke Liye Sab Taarifen Hain Jis Ne Humko Yahan Tuk Pahunchaya(Al-Aaraf-43)-

YE CHAARON HIDYATEN TARTIB WAAR HAIN Kyunki Jis Cheez Ko Hidayat Kee Pehli Qism Haasil Nahi (Aqal-o-Shaoor) Ooski Baaqi Iqsaam Bhee Haasil Nahin-Jaise Haiwanat(Animals)

Jisko Doosri Qism Kee (2nd)Hidayat Haasil Nahi Oose Baaqi (Teesri Chouthi) Qism Ki Hidayat Nahi(Ismen Ashkaal Hai—Yaani Anbiya Ab nahi Honge- Balki Deeni Peshwa)-

Jiski Teesri Qism Kee (3rd) Hidayat Nahi Jaise KUFFAR oosko Chouthi Hidayat Haasil Nahi-

AUR JISKI CHOUTHI QISM KI HIDAYAT HAASIL HOGI---TO---OOSE BAAQI KEE TEEN BHI HAASIL HO CHUKI HOGI –ISI LIYE TO WOH JANNATI HUWA –HAI NA?SUBHAN ALLAH—Isi Liye Allah Kee ATA Ko Maano-Allah Ki Taraf Se Zariye Ko Maano-Yahi Madad Asl Madad Aur Hidayat Hai-