Iyyakanabudu

IYYAKANABUDU WA IYYAKANASTAEEN:

(Hum Teri Hee Ibadat  Karen Aur Tujh Se Madad Maangen)

Ab Tuk Allah Taala Ne Apne Inamaat, Milkiyat, aur Jabbari  Ka Zikr Farmaya-Jis Se Allah Taala Ko Ye Maqsood  hai ke Allah Kee Makhlooq Ek  Allah Ki Ataat aur Ibadat Karen- Lehaza Ab Hukm Huwa Ki IYYA KANABUDU-Is Tarah Allah Taala Ne Apne Paanch Naam Farmaye

1)Hum Tumhare Allah Hain.

2)Phir Tumko Paala Lehaza Tumhare Rubb Hain.

3) Tum Ne Gunah Kiye Hum Ne Chhupaye Lehaza Hum Rehman Hain.

4)Tum Ne Touba Kee Hum Ne Magfirat Farmayee Lehaza Hum Raheem Hain.

5)Tum Hamare Qabze Mein Ho, Jaza Aur Saza Ka Din Bhi Aane Wala Hai, Lehaza Hum Maalik Hain.

Jub Banda Allah Kee Ibadat(Namaaz Kee Halat) Kare To Oos Waqt Apne Rubb Ko Haazir-o-Naazir Jaane Goya Mein Allah Ko Dekh Raha Hoon Aur Allah Mujhe Dekh Raha Hai-Agar Dill Mein Zara bhi Riya Kaari Huwi  Ke Zabaan Se To Keh Raha Hoon”IYYA KANABUDU” aur Dill Mein Kisi Aur Kee Pooja, Ya Ghar se nikla Namazz padhne ko lekin Dikhawe Ke Liye.

Namaaz Mein Kisi Ko Khitab Karke Kalam Karna Jaiz Nahi Hai Siwaye Allah Aur Allah Ke Mehboob Salallaho Alehe Wasallam Ke(Attahiyat,Asslam Alayk Ayyuhannabi).Sahaba Kraam Ne Ain Namaaz Kee Halat Mein  Huzur Aleh Salam Ka Adab Kiya Hai-

Ibadat Ke Istelahi Maani Ye hain Ke Kisi Ko Khaliq Maan Kar Ooski Ibadat Karna Aur Khaliq Ko Khaas Maan Kar Ooski Ataat Karna- Butt Parast Butt Ke Saamne pooja karta hai, Musalmaan Kaabe Ke Saamne Sajdah Karta hai- Donon Patthar-Lekin Hindu Mushrik Hai Aur Musalman Mowahid. Hindu Raam Chandra, Krishna Ko Maanta Hai , Hum Rasool, Nabi , Auliyaon Ko, Phir Kya Wajah Hai Ke Hindu Mushrik Aur Hum Mowahid.Farq yahi hai ki Hindu Uloohiyat Mein Butt Ko Khuda Maanta Hai Aur Hum Anbiya, Rasool, Auliyaon Ko Allah Ke Khaas Bnade.

Ibadat Kee Kayee Qismen Hain-Namaaz, Roza, Zakaat, Hajj, Aur Jo Jaiz Kaam Bhi Rubb Ko Raazi Karne Ke Liye Kiye jayen Woh Ibadat hai. Yahan Tuk Ke Apne Ahl- o- Ayal par kharch, Raaton Mein Sona, Ya Jaag Kar Allah Paak Ka Zikr Karna. IN Sabhi Nayk Amal Mein Sawab Milta hai.

Akele Aur Ba-Jamaat Se Namaaz:

Jub Banda Allah Kee Ibadat Akele Kare To Ye Samajh Kar Kare ke Mujh se pehle bahut se Nayk Bande Is Amal Ko Kar Gaye Aur Ab Bhee Kar Rahe Hongen, Mein Apne Ko Oon Mein Shaamil Karta hoon. Yaani IYYA KANABUDU” Ek Kehne Wala Bhi Hoga Aur Ba-Jamaat Namaaz Padhne Wale Bhi- Ye Bazahir To Lafz Akela Maaloom Hota Hai Lekin  Haqiqat Mein Bahut Son Ke Saath hai. Isi Liye Baghair Jamaat Ibadat Naaqis Hoti hai.

Agar Ibadat Jannat Paane aur Dozakh Se Bachne Ke liye Kee Gayee To Ibadat Na Huwi Tijarat Huwi- Isi Liye Farmaya”IYYAK-A-NABUDU” YAANI HAMARI IBADAT  SE MAQSOOD TERI ZAAT HEE HAI. Isi wajah se namaaz ki niyaat mein waste allah taala ke liye kaha jaata hai.

IBADAT KEE ROOH:-

Insaan guroor(Dhoka) se Suroor(Khushi) Ki taraf Muntaqil ho jaye. Dunya Ki Tariqi se Nikal Kar Haqq Ke Noor aur Mushahede  Jamaal Mein Pahunch jaye.Ibadat Dunyawi Taklifon Ka Ilaaj Hai, Lehaza Jis Ibadat Mein Ye  Baat Na Ho Woh bejaan hai.Agar Namaaz Chhorne Mein Allah Ki Raza Hai to Chhorna Ibadat Hai Aur Agar Namaaz Padhne Mein Allah Ki Raza Hai To Padhna Ibadat Hai- Isi Liye Aftab Nikalte Waqt Namaaz Padhna Gunah Hai. Hazrat Ali Radi Allah Taala Anho Ke liye Khaibar Ke Din Huzur Salallaho Alehe Wasallam  Kee Neend Par Namaaz Qurban Kar dena Ain Ibadat thee.

NIYYAT AUR KAABE KI POOJA KE AITRAAZAT KA JAWAB :

Agar Musalmaan kahen Ke Hum Kaabe Ko Khuda Nahi Maante To Hindu Bhi Moorti Ko Khuda Nahi Samajhta balki apna dhyan yaksoo rakhne ke liye ek moorti saamne rakh leta hai.

Jawab Namaaz Kee Niyyat Mein Hee Hai- “WASTE ALLAH KE MUNH MERA QIBLE KI TARAF”

Namaaz Allah Ke liye Aur Kaaba Simt Ke Liye-Ek Saath Tamaam Musalmaan Ek Direction Mein Unity ke Liye-Lekin Hindu Jahan Moorti Rakh Lee Poojari Aur Bhakton Ka Munh Oosi Taraf Sabhi Pooja Karne Wale Alag Alag Direction Mein.Maaloom Huwa Ke Hinduon Ka Sar Moorti Ke Liye Jhuka Aur Musalmanon Ka Sar Allah Ke Liye-IYYAKANABUDU. AAJ SE JO HAZRAAT NAMAAZ SE PEHLE NIYYAT NA KARTE HON WOH Niyyat Zaroor Karlen.