Arrehmanirrahim

BAHUT MAHERBAAN REHMAT WALA.

Is Jumle Mein Allah Paak Ka Farmaan hai ki Woh Jahan Rubb Al-Alamein hai Yaani Donon Jahanon ka Paalne Wala , Woh Paalne par Majboor nahi hai Balki Apni Rehmat se Paalta hai. Doosra Paalta hai Rehmat ke saath kabhi Qaher ke saath. Teesra Hamd ka Rehmat ke saath talluq is tarah hai ke Jo Allah Paak Ki Hamd Karta hai Oose Allah Taala Apni Rehmat se paalta hai. Yahan Rehman ke Maani yahi hai ki Is Qism ki Rehmat Farmane wala jo Bandon se(ya Kisi Makhlooq se) haasil na ho.

Mushrekin Ka Aqida tha ke Badi Badi Neamaten Rubb deta hai aur Chhoti Chhoti BUTT. Is Aqide ki bhi ismen Tardid(Rudd) ho gayee Ki Badi Neamat bhi Aur Chhoti Neamat Bhi Wahi ata karta hai isi liye Rehman bhi hai aur Rahim bhi.

ARYAON KA AITRAAZ:

Khuda Paak Rehmaan aur Rahim hai to Dozakh, Mozi Cheezon ko aur Shaitaan ko kyun banaya?

Jo Museebat Kisi Rehmat ka zareea bun jaye Wo Haqiqat mein Rehmat hi hai, Jaisa ke Rubb Al-Alamein mein Bayan ho chuka hai. Agar Taklif da cheezen paida na hoti to hamari rooh aur jism ko poori Taharat haasil na hoti.Namaaz , Roza, Hajj Zakaat ye sab Ba-Zaahir Taklif da Amal Maaloom hote hain lekin  haqiqat mein ye Rooh ko paak karne waleAamal hain.Mailey LOHE ko Lohaar Bhatti mein rakh kar koot-ta peet-ta hai to wo museebat paakar zung waghaira se saaf ho jaata hai. Sona(Gold) Nihayat Qeemti  Dhaat hai Lekin jub tuk Sonaar ki bhatti mein na rakha jaye aur sonaar ke hathon chot na khaye aurton ki zeenat na baney.

Isi Tarah Taklif da Zehrili cheezen hazaaron badi badi museebaton ko door kar detey hain. Bahut si aisi cheezen hain jise hum Rehmat samajhte hain lekin haqiqat mein wo zehmat hoti hai. Aur jise hum Zehmat samajhte hain woh Rehmat ho. Mushaqqat aur Taklif mein Rehmat Ilaahi aur ataye Ilaahi chhupi hoti hai.Isi tarah Shaitan ko paida karne mein bhi yahi hikmat hai ke Mukhlis aur ghair Mukhlis mein tameez paida ho.Bas Haqiqat ko dhyan mein rakhe jaisa ki Hazrat Musa Aleh Salam aur Khizr Aleh Salam ke Qisse mein bayan huwa hai.

REHMAN AUR RAHIM KE MAANI:

Rehmat Oos Riqqat-e-Qalb(Dill Ki Narmi) ko kehtey hain jis ka taqaza ye hai ke Marhom pe Ehsaan kiya jaye. Ye Lafz(Word) Kabhi Riqqat(Narmi) ke maani mein istemal hota hai kabhi Ehsaan ke Maani.

Jub Rehmat Allah Taala ki Sifat ho to phir iska maani Sirf Ehsaan hai na ke Riqqat-e-Qalb(Dill ke Narmi-jaise Rahem dili). Aur Jub Rehmat Aadmiyon ki Sifat ho to iske maani huey Riqqat aur Shafqat.(Yaani Narmi aur Shafqat).

Rehman ka itlaq (Istemaal )Allah Taala ke siwa kisi aur par karna jaiz nahi kyunki Rehman ke maani hain Wo Zaat jiski Rehmat Har Cheez ko Muheet ho.Aur Rahim Ka Itlaq Allah ke Alawa Aur ke liye bhi ho sakta hai. Jaise RAHIM Allah Taala par bhi hai aur Rasool Allah Salallaho Alehe Wasallam par bhi.

“BESHAK ALLAH TAALA LOGON PAR NIHAYAT MAHERBAN AUR BAHUT RAHEM FARMANE WALA HAI” (AL-HAJJ—65)-

“BESHAK TUMHARE PAAS TUMHI MEIN SE EK RASOOL AAYE, JINPAR TUMHARA MUSHAQQAT MEIN MUBTELA HONA SAKHT DUSHWAR HAI, WOH TUMHARI BHALAYEE PAR BAHUT HAREES HAIN , AUR MOMINON PAR NIHAYAT MAHERBAN AUR BAHUT  RAHEM FARMANE WALE HAIN.(AL-TOUBA—128)-