Tafseer Ayat 7- Surek Al-Baqrah Urdu

KHATAMA-ALLAHO AL’A QULOOBEHIM  

WA AL’A SUM’EHIM 

WA AL’A  ABSAREHIM GHISHAWATUN-

WALAHUM AZABOON AZEEM”(AYAT#7)-

(Allah Ne Oonke Dilon Par Aur Kaanon Par Mohar Kardi, Aur Oonki Aankhon Par Ghata Top Hai-Aur Oonke Liye Bada Azaab----Tarjuma Kanzul Imaan)-

KHATAMA ALLAHO AL’A QULOOBEHIM WA AL’A SAM’EHIM:

KHATAMA Ke Maani Hain Chhupana Ya Mohar Lagana         ( Tanbih-Yahan Urdu Lafz Nahi Samjha Jayega- Urdu Mein Khatam Ke Maani Huwe End) Shai Ko Mohar Lagakar Pukhta Karne Ko Khatama Isliye Kaha Jaata Hai Ke Oose Aakhri Manzil Tuk Pahunchakar Logon Se Chhupaya Gaya-

Kuffar Ke Dilon Par Mohar Lagane Se Murad Ye Hai Ke Oonke Dill Imaan Ko Qubool Nahi Karne Wale Aur Oon Mein Ek Aisi Hayt ( Form-) Moujud Hai Jo Unhen Kufr Aur Gunahon Par Majboor Karti Hai- Chunanche Agli Ayat Mein KUFFAR Ki Sifaat Bayan Kee Gayee Is Ayat Mein Kuffaron Ki Saza-

Yahan Kuffar Ke Aitraz Ka Jawab Aasan Ho Gaya- Jub Allah Taala Ne Unke Liye Raahe Hidayat Aasan Kardi Bawajud Iske Unhon Ne Apni Sarkashi Ki Wajah Se Khud Kufr Ka Raasta Chuna- Aur Allah Taala Ke Is Lutf wa Karam Se Mehroom Ho Gaye-Woh Haqq Ko Manne Se Inkar Kar Rahe Hain Oonke Kaan Par Mohar Lug Chuki Hai, Aur Haqq Qubool Nahi Karte-

Imaan Laane  Ka Jo allah Taala Ne Hukm Farmaya Hai Wo”AAMANTO BILLAHE WA RASOOLEHE” PAR HAI YAANI ALLAH AUR OOSKE RASOOL PAR IMAAN LANE MEIN DAKHIL HAI-AUR Allah Taala Ka Farman Hai”FAMA LAHUM LA YU’AMENOON” (Oonke Liye Kya Hai Ke Woh Imaan Nahi Laate)-Agar Woh Imaan Laane Se Majboor Hote Ya Aajiz Hote To Unhen Khitab Na Hota- Yahi Log Qayamat Ke Din Majboor Honge Apni Safayee Pesh Karne Se, Unke Munh Par Mohar Lag JayegI- Aur Wahan Unhen Phir Allah Taala Ki taraf Se Koi Khitab Na Hoga-

Is Se Zaahir Huwa Ke Dunya Mein Insaan Ko Ikhtiyar Hai Chahe Imaan Par Jiye Ya Kufr Par- Kuffaron Ko Dunya Mein Dilon Par Mohar Lagegi Aur aakhirat Mein Munh Par-Yahi Wajah Hai Ke DIl Ko Ayat Mein Pehle Zikr Kiya Baad Mein Sama’a(Kaan) Ko Ke Imaan Pehle Dil Se Tasdiq Ka Naam Hai-Kaan Ke Raaste Daakhil Huwa- Aankhon Ne Dekha,Phir Dill Mein Utra-

WA AL’A ABSAREHIM Ghishawatun : Absar Basar Ki Jama Hai Jiske Maani Hain Dekhna( Aankh)- Tafseer Ibn Abbas (Razi Allah Anhuma) Mein Bayan Huwa Ke Beshak Jo Log Kaafir Hain Woh Apne Kufr Mein Pakke Hain, Kufr Par Ade Huwe Hain Unhen Naseehat Karna Na Karna, Quran Soona Kar Darana Na Darana Barabar Hai-Allah Taala Ne Unke Dilon, Kaanon Par Kufr Ka Thappa (Mohar-) Laga Diya- Aur Unki Aankhon Par Parda- Yahan Ghishawat Ke Maani Hain Parda EK GHata Top Parda Jo Inki Aankhon Par Pada Hai-