Al-Lazina Yu'amenoona Bil-Ghaib

Woh Jo Be-Dekhe Imaan Laaye

Allah Paak Ka Pehle Farman Quran Karim Parhezgaron Ke Liye Hidayat Hai Ab Bataya Ja Raha Hai Ke Parhezgar ( Yaani Muttaqi) Log Kaun Hain-

Islam Laane Ke Bad Ek Banda Deen Islam Mein Dakhil Ho Kar Musalman To Bun Gaya Par Imaan Wala Nahi – Imaan Oosi Waqt Layega Jub Woh Muttaqi Hoga Isi Liye Is Ayat Mein Pehle Muttaqi  Aur Baad Mein Imaan Ka Zikr Huwa- Kyunki Imaan Tamaam Naykiyon Ki Judd Aur Asl Hai- Agar Imaan Qaim Hai To Nayk Aamal Faida Denge Warna Nahi-Isi Liye Dill Se Imaan Lao- Dil Ka Naqsh Wa Nigaar Achche Aamal Hain Aur Ye Naqsh Wa Nigar Oosi Waqt Dill Par Sajega Jub Ise IMAAN Ki Rehmat Ke Paani Se Dhokar Saaf Kiya Jaye-(Misal Aap Salallaho Alehe Wasallam Ka Qalb(Dill)Farishton Ne Aab-e-Zamzam Se Dhokar Paak Kiya-Lekin Momenin Ke Liye Qalb Ki Safayee Imaan Bil-Qalb Hai- Yaani Tasdiq Kee Jaye Ke Allah Taala Ek Hai Oos Ka Koi Sharik Nahi – Allah Ke Rasoolon Par Dil Se Imaan Laya Jaye Na Oonki Shaan Mein Koi Gustakhi Ho Na Unhen Apne barabar samjho – Allah Ke Farishton Par Imaan Lao Allah Ki Tamaam Kitabon Par Imaan Lao-Aur Is  Tarah IMAAN Lao Ke Musaddiq(Allah Taala) Khud Tumhare Momin Hone Ki Tasdiq Karde-

YOUMENOON Imaan Se Juda Hai- Imaan Ke Lughwi Maani Hai AMAN Dena- Chunki Momin Apne Acche Aqide Ikhtiyar Karke Apne Ko Hamesha Ke AZAB Se Aman De Leta Hai- Isliye Acche Aqidon Ke Ikhtiyar Karne Ka Naam IMAAN Hai-Imaam bayhaqi rehmat Allah Taala Aleh Ne Imaan Ke Kul &0Se Zaid Shoabe Bayan Farmaye-( For Detail Join My Group  Dawat-e-Deen FB)-

Quran Karim Mein Musalmanon Ko Momin Kaha Gaya hai , aur RUBB TAALA Ko Bhi-Lekin Musalmanon Ke Momin Ke Ye Maani Hai Ke Woh apne Aap Ko Dayemi ( Aakhirat) Ke Azaab Se Aman Detey hain- Aur Allah Taala Ke Momin Hone Ke Ye Maani Hai Ke Allah Taala Apne Nayk Aur Saleh Bandon Ko Oos Dayemi Azab Se Aman De-

SHARIAT Mein Imaan Ke Maani Ye Hain Ke Jin Baaton Ka Yaqeen Deen Muhammadi ( Salallaho Alehe Wasallam)Se Ho Jaye Yaani Tasdiq Oon Sab Ko Dill Se Yaqinan Man-na Aur Zabaan Se Iqraar Karna-Lekin Dili Tasdiq Asl IMAAN Hai-Aur Iqraar Ehkam ISLAMI JAARI KARNE KEE SHART-

Agar Koi Shakhsh Aqida Durust Rakhta Ho Aur Aamal Nahi Karta Ya Boore Aamal Karta Ho Woh Momin Hai Deen Se Kharij Nahi Hota Isliye Ke Imaan Ke Baad Namaaz Wa Doosre Aamal Ka Zikr Huwa-Agar Aamal Imaan Ka Juz Hote To Imaan Ke Baad Aamal(Wa Yuqimunassalat) Ka Zikr Na Hota-

Doosri Taraf Agar Namaazi Parhezgar Ke Aqide Bigde Huwe Hon To Woh KAAFIR Hain Kyunki Quran Karim Ne Irshad Farmaya”WA IN TAIFATANE MIN-AL-MOMENINA AQTATLO FA-ASLEHO BAINAHUMA(part of Sureh Al-Hujrat Ayat # 9) –Agar Musalmanon Ke Do(2) groh Aapas Mein Laden To Oon Mein Sulah Karado –Phir Agar Ek Doosre Par Zyadati Kare To Oos Zyadati Karne Wale Se Lado Yahan Tuk Ki Woh Allah Ke Hukm Ki Taraf Palat aaye-(Tarjuma KANZ-ul-IMAAN Aala Hazrat)-

Quran Karim Farmata Hai Agar Tum Ne Hamare Nabi Ki Aawaz Par Apni Awazen Oonchi Kardeen To Tumhare aamal Barbaad Ho Jayenge- Aajkal Ke naye Firqe Sirf  aawaz Hi Nahi Balki Apne Nabi Ki Shaan Mein Kaafi Gustaakhiyan karte hain-isliye Imaan Ke Saath Saath aamal Bhi Zaroori hain-

ISLAAM AUR IMAAN MEIN FARQ:

Islam ke maani hai Sar Sajdeh Mein Rakhna Yaani Atat Karna Islaam Mein Aamal Ko Zaahir Karna Moatbar Hai-

IMAAN Chhupi huwi Cheez Hai – Agar Kisi Ke AQAID Durust na hon Aur Woh Apne Aap Ko Momin Kehta Hai Jaise Munafeqeen To Woh Muslim Hoga Momin Nahi- Jis Shakhsh Ke Aqaid bhi Durust , Iqraar Bhi Karta Hai Lekin Amal Kharab woh FASIQ Hai. Jiske Aamal Bhi Durust Woh Muttaqi Hai-Oos Ne Allah Taala Ki Is Ayat Ki Shart Ko Poora Kiya-(Hudan Lil-Muttaqeena Allazina Youmenoon).

JAANNA Aur PEHCHANNA Kuch Aur Hai Aur Manna Kuch Aur – KUFFAR MAKKAH  Huzur Ko Pehchante thay par Mantey na thay isi liye Kuffar Rahe-

Manna Bhi Teen Qism Ka Hai –DURR SE MANNA- LALACH SE MANNA DILI MOHABBAT SE MANNA

PEHLE DO QISM MUNAFEQEEN KE AAMAL THAY  ISLIYE WOH IMAAN WALE NAHI KEHLAYE –DILL SE MANNA IMAAN HAI WAHI IS AYAT MEIN MURAD HAI-

QURAN KARIM FARMATA HAI”YAAREFOONAHO KAMA YAAREFOON ABNA’AHUM”-

Jaise Aajkal Ke Gumrah Firqe Aap Salallaho Alehe Wasallam Ko Jaante Hain Pehchante Hain Par Dill Se Nahi Maante-